الرئيسية
أحدث الصور
من طرف زي اي قعده بتبتدي بالسلام و تنتهي بالكلام . كانت قعدتي و الاستاذ سامي في نفس المكان ، ركن بعيد شويه علي القهوه في الشارع التاني علي ايدك اليمين و انت جاي من غربه . كلهم عايزين يعرفوا احنا بنقعد فين ؟ شاغلهم في ايه الامر ...اللهُ اعلم ...زي عادته سلم بسرعه و ركب عجلته و قالي : -
__اجري ورايا .
ما اقدرش اجري مشيت واحده واحده لغايه ما وصلت ، لمحته من بعيد قاعد و قدامه شيشه علي سنجه 10 ما هو حمدان بيحبه و بيظبط له قعدته . كان بيبص وراه باين كان حد بينادي عليه ، و قف و عدل من وضع عجلته تحت الحيط بعيد عن الشارع ...:
__سلام عليكم ..
__ و عليكم السلام ...هات اجدع شاي من عندك يا حمدان ...
__ حاضر ...من غير ماتقول .
و من غير سلام طلع الاستاذ السيد :
__خليهم اتنين ياض يا حمدان
حمدان كبر دماغه و بصله و مشي علي طول ...من غير ما يقول حاجه ، خاف سامي من رد فعله و رحب به و قعده جنبه و قاله :-
__الشاي جاي يا ابو السيد ... شفت اللي حصل امبارح ...
جماعه معديين رموا السلام و حودوا سلموا ...واحد فيهم شد علي ايدي ...تسمح خمسه ...مشيت معاهم و ما عرفتش ايه الحوار اللي دار بين السيد و سامي ...وعلي ما رجعت كان حسهم عالي شويه و دي طريقتهم في الكلام اسرع من بعض هم الاتنين ...كأن الكلام طلقات ناريه ...
__ لا ...لا لا يا استاذ سيد والله و الله ...والله العظيم الجيش ما يضرب الناس بالنار ...ما طلعوا بيان
__ بيان مين يا عم هو فيه حد راح يقول انا غلطان
__ مافيش دوافع تدفع الجيش لضرب الناس في الميدان
حده الصوت زادت شويه و الجو سخن خلي الناس تبص ليهم و تترقب ما يحدث ...لكن الحاج فتحي فاهم ولده كويس مما دفعه للتدخل و بسرعه قبل ما الجو يسخن اكتر
__ انت ياض ياسامي يا حرامي زعلان علي الديش ليه ؟ هو ابوك المشير طنطاوي ...
و انت ياض يا سيد اقفل حنكك خالص لقوم ادقدق سنانك بالجزمه ...خلينا قاعدين في هدوان سر ..
و قبل الامور ما تتطور و الناس تتهور بصيت لسامي و قلت له
__ اجري ورايا .. نرحل بدري قبل ما الواحد تصيبه جزمه من جزم ابوالسيد.
ببرود اعصاب و هو دايما يتبلد في المواقف الصعبه ...قال:
__ يا اخي الجزم سهله ...الهم و الباقي ع المناخير ما تستحملش الريحه .
و زي اي قعده انتهت القعده ...و ياريت نحرم نقعد ع القهوه تاني .
» أين المهندسووووووون
» أحلام يقظان
» يابائعا حبى
» عمر اديب يتطاول على عمر بن الخطاب رضي الله عنه
» هبه الله ابوبكر
» اين ادمن والمدير وباقى الاعضاء
» ماتت بسببى
» خبر مٌُهم و عاجل .
» السلام عليكم ورحمه الله وبركاته وتعاونوا على البر والتقوى ولا تعاونوا على الاثم والعدوان........ اعرفكم بنفسى اولا انا عضو حديث بالمنتدى بدعوى من الاستاذ اكرامى شلبى انامن مركز ساقلته قريه الجلاويه خريج اداب2002 قسم علم نفس جامعه ج الوادى سوهاج واعيش الان
» تطهير الاعلام الخطوة الكبرى فى طريق التغيير
» طلاب الاعدادية بنين يشتكون
» لبيك ( مشاعرٌ في المشاعر )
» ازداد بشكل كبير جداً في الفترة الاخيرة البحث عن ملف فلاش اسمه files20/13165103631.swf
» سر من أسرار جوجلru/mov0001.swf اكتبوهـــا ف جــوجـل سيــرش واضغــطوا ضربـة حـظ وشـــوفوا هيظهــرلكم ايــه ويــاريت كــل واحـد يكتــب ايه اللى ظهــرله
» ممكن تنوروا جروبنا على الفيس بوك
» جروب (ساقلتة تتحدث عن نفسها )
» منتدانا فى خطر
» انسحااااااااااب
» فتاوى العلماء حول صيام ست من شوال