وهنا معاكم ...

مافيش غير القهوه تقعد عليها ...
ربنا يكتر من القهاوي..احسن من القعاد علي الكباري زي ما بيحصل في مطارح كتير .
تلاقيهم مترصصين زي البلاليص مقمبرين مقعمزين قول زي ما تحب ...مش دي حكايتي النهارده .
قرفني واحد ع الصبح ماهو اليومين دول ميقبلاكش غير معكنناتي يعكننك و يقرفك و يسيبك و يمشي..
بس علي مين ؟ تعلمت منهم التناحه وبرود الاعصاب ...
فضلت ماسك علي نفسي لغايه ما وصلت القهوه و هوب يا دوب دماغي هتستريح ...من ايهه بقي؟
الا وطب عليا تاني ...تسيبه وتمشي..لا مش هي ...خليه قاعد... هو قاعد فوق راصي ..
لا بس بيقلب فيها . جاب اخبار البلد من شرقيها لغربيها ...
فلان قال و فلان سوي ...وانا ماااااالييي .
تعودت اتعامل كويس مع الاصناف دي ...لا يمكن اديله كلمه .
ولا آخد له علي كلمه اي كلام يقوله وخاصه اسرار خلق الله و تقطيع جتتهم .
و علشان يبقي نظيف و واعي يبدأ بخبر حصل في المكان الفلاني و فلان كان هناك وفلان دا راجل زين و الله بس...قال و قال و قال....و كلام ما حصلش ...
و واحده واحده حتي يتطاول علي زمه الراجل و اخلاقه وليس لديه مانع من الخوض في حُرمات بيته .
و ممكن بالصدفه يطب علينا فلان ده ...
يقعد معانا و يا سلام ع الكلام ياخد زاويه معكوسه في الاتجاه الآخر ( المعاكس )
و لا يتحرج من اثبات صحه ما يقول و يثبت انه ما قال فيه ولا عليه غير كل خير ما لسه ع قول للراجل ده .
تقصر القعده ولا طول مفيش معاه غير سيره خلق الله .
(الله اكبر ... الله اكبر )
ادن الضهر نقوموا نصلوا ...
يا الله بعد هذه الوجبه الدثمه من لحوم البشر تقوم تصلي ...
ماشي ياريت صلاتك تمنعك من طلقات لسانك .